Республика күні – елдік рух пен туған жерге деген сүйіспеншілікті айшықтайтын қасиетті мереке!

Республика күні – елдік рух пен туған жерге деген сүйіспеншілік ті айшықтайтын қасиетті мереке!Осы мерейлі күнге орай мектебіміздің ауласында гүл егу шарасы ұйымдастырылды. Бұл игі іске мектептің өзін-өзі басқару ұйымы мен әкімшілік бірлесе атсалысып, ортақ мақсат жолында күш біріктірді.Шара барысында оқушылар мен ұстаздар қолдарына күрек алып, әр егілген гүлге мейірім мен үміт дарытты. Бұл – тек аула көркейту емес, болашаққа деген жауапкершілік, туған мектепке деген қамқорлықтың айқын көрінісі болды. Табиғатты аялау, қоршаған ортаны қорғау сынды құндылықтар жас ұрпақтың бойына осындай нақты істер арқылы сіңірілді.
Бірлікпен егілген әрбір гүл – бейбіт өмірдің, жарқын болашақтың символы. Көгалданған мектеп ауласы оқушылардың шат күлкісіне, ізгі ойлар мен үлкен армандарға толы болсын. Осындай тағылымды шаралар арқылы елін сүйетін, табиғатты құрметтейтін саналы ұрпақ қалыптасары сөзсіз.Еліміздің еңсесі биік, бірлігіміз берік, мектеп ауламыз әрдайым гүлге толы болғай!