қыздарға денсаулық, жеке гигиена және тазалық мәселелері бойынша түсіндірме жұмыстары

Бүгін мектебімізде ерекше маңызды шара өтті. Мектеп медбикесімен кездесуде қыздарға денсаулық, жеке гигиена және тазалық мәселелері бойынша түсіндірме жұмыстары жүргізілді.
Кездесу барысында оқушылар өз денсаулығын дұрыс күтіп, таза әдеттерді қалыптастырудың маңызын түсінді. Медбике әр кеңесін нақты мысалдармен, жеңіл түсінікті тілмен жеткізіп, қыздардың қызығушылығын оятты. Сұрақ-жауап сәтінде оқушылар өздерін толғандырған барлық мәселелерді ашық талқылап, сенімді жауаптар алды.Кездесу тек білім берумен шектелмей, жеке күтімнің, жауапкершіліктің және өз денсаулығына деген құрметтің маңызын түсіндіру арқылы оқушылардың өз-өзіне сенімділігін арттырды.
Денсаулық – әр адамның басты байлығы, ал тазалық пен дұрыс күтім — оны сақтаудың жолы.
Бүгінгі кездесуде қыздарымыз өз болашағын қорғаудың алғашқы қадамдарын жасады!