қозы көрпеш баян сұлу

Көктем – күллі адамзат үшін сезімнің, шуақтың, шабыттың яғни махаббаттың символы іспетті. Адам көңіліндегі тазалық пен сұлулықтың иесі, армандардың қасиетті киесі – махаббат. Осы сезімді тереңдетер көктемнің шуаққа толы мерекелерінің бірі Ғашықтар күніне арнап мектебіміздің 8-сынып оқушылары салтанатты кеш өткізді. Өнерпаз өрендер махаббат символдарына айналған Қозы мен Баянның, Жамал мен Ғалидың, Қожа мен Жанардың кіршіксіз көңілдерін көрініс қылып көрсетіп, әсем ән шырқап, мың бұрала би билеп, домбыра мен қобыз сазымен сергітіп жоғары деңгейде өнер көрсетті.