кездесу

181 ЖББ мектепте бүгін, қазан айының алғашқы күнінде, еліміздің дәстүрлі ән өнерін насихаттап жүрген, беткеұстар тұлғаларымыздың бірі әнші Рамазан Стамғазиев және жас айтыскер ақын Сырым Әуезханмен әдеби кеш өтті. Оқушыларымызға мағыналы әңгімелері мен мәнді ойларын бөліскен Рамазан ағамыз өзінің әуезді әнімен көңіл көкжиегімізді кеңейтсе, талай айтысын тамашалап жүрген ақын Сырым Асылханұлы мектебімізге арнау арнап, жалынды жырын төкті. Талғамды жыр, салиқалы сыр ақтарылған бұл кеш келген қонақтарымыздың үстіне шапан жауып, сый көрсетумен өз мәресіне жетті.