27
сентябрь
2022
ашық сабақ
Мектебімізде өтіп жатқан "Еркін елдің ертеңі-кемел білімі мен ана тілінде" атты қазақ тілі мен әдебиеті пәндері онкүндігі аясында пән мұғалімі Рапашева Ерке Бисенғалиқызы 9"Ж" сыныбымен "Төле би. Ердің бақыты-әйел" тақырыбында ашық сабақ өткізді. Сабақтың мақсаты-шығармадағы ұрпақтар сабақтастығы көрінісін заманауи тұрғыда салыстырып, жаңашылдығына баға беру. Сабақ мақсатына жету үшін мұғалім заманауи әдіс-тәсілдерді тиімді қолданды, бүгінгі таңда үлкеннің де, кішінің де ермегіне айналған әлеуметтік желілерді әдебиет сабағында ұтымды пайдаланды. Атап айтар болсақ, үй жұмысын сұрауда "Ашылмаған хабарламалар әдісі" қолданылуы оқушы қызығушылығын арттырса, негізгі бөлімде оқушылар инстаграмға әдеби талдау пост жариялап әлеуметтік желіні пайдалы дүниеге айналдыра білді. Сондай-ақ “QR әдісі”, “Падлет тақтасы” тәсілдері де сабақтың мақсатына жетуге мүмкіндік берді.